ಪ್ರಯಾಣಿಕರಿಗೆ ಗುಡ್ ನ್ಯೂಸ್:ಸಾಲು ಸಾಲು ಹಬ್ಬಗಳ ಹಿನ್ನಲೆ ಬೆಂಗಳೂರಿನಿಂದ ವಿವಿಧ ಸ್ಥಳಗಳಿಗೆ ವಿಶೇಷ ರೈಲುಗಳು

Special Trains:ಗಣೇಶ ಚತುರ್ಥಿ, ದಸರಾ, ದೀಪಾವಳಿ ಹಾಗೂ ಛಠ್ ಹಬ್ಬ ಸೇರಿದಂತೆ ಸಾಲು ಸಾಲು ಹಬ್ಬಗಳು ಸಮೀಪಿಸುತ್ತಿರುವುದರಿಂದ, ರೈಲು ಪ್ರಯಾಣಿಕರ ಸಂಖ್ಯೆ ಭಾರೀ ಪ್ರಮಾಣದಲ್ಲಿ ಹೆಚ್ಚಲಿದೆ. ಪ್ರಯಾಣಿಕರ ದಟ್ಟಣೆಯನ್ನು ನಿಯಂತ್ರಿಸಲು ಮತ್ತು ಸುಗಮ ಸಂಚಾರ ಕಲ್ಪಿಸಲು ನೈಋತ್ಯ ರೈಲ್ವೆ (South Western Railway – SWR) ಬೆಂಗಳೂರಿನಿಂದ ಹಲವಾರು ಸ್ಥಳಗಳಿಗೆ ವಿಶೇಷ ರೈಲುಗಳನ್ನು ಸಂಚಾರಕ್ಕೆ ಬಿಡುಗಡೆ ಮಾಡಿದೆ.

ಯಶವಂತಪುರ – ಧನ್ಬಾದ್ – ಯಶವಂತಪುರ (ಸಾಪ್ತಾಹಿಕ ಎಕ್ಸ್‌ಪ್ರೆಸ್)

• ರೈಲು ಸಂಖ್ಯೆ: 06563 (ಯಶವಂತಪುರ–ಧನ್ಬಾದ್)
  • ಆಗಸ್ಟ್ 23ರಿಂದ ಡಿಸೆಂಬರ್ 27ರವರೆಗೆ, ಪ್ರತೀ ಶನಿವಾರ ಬೆಳಿಗ್ಗೆ 7:30ಕ್ಕೆ ಯಶವಂತಪುರದಿಂದ ಹೊರಟು, ಸೋಮವಾರ ರಾತ್ರಿ 11:00ಕ್ಕೆ ಧನ್ಬಾದ್ ತಲುಪುತ್ತದೆ.
• ರೈಲು ಸಂಖ್ಯೆ: 06564 (ಧನ್ಬಾದ್–ಯಶವಂತಪುರ)
  • ಆಗಸ್ಟ್ 25ರಿಂದ ಡಿಸೆಂಬರ್ 29ರವರೆಗೆ, ಪ್ರತೀ ಸೋಮವಾರ ರಾತ್ರಿ 8:45ಕ್ಕೆ ಧನ್ಬಾದ್‌ನಿಂದ ಹೊರಟು, ಬುಧವಾರ ರಾತ್ರಿ 9:30ಕ್ಕೆ ಯಶವಂತಪುರ ತಲುಪುತ್ತದೆ.

ನಿಲ್ದಾಣಗಳು: ಯಲಹಂಕ, ಧರ್ಮಾವರಂ, ಅನಂತಪುರ, ಧೋನೆ, ಕಾಚೆಗುಡ, ರಾಮಗುಂಡಂ, ನಾಗ್ಪುರ, ಕಟ್ನಿ, ಸತ್ನಾ, ಗಯಾ, ಹಜಾರಿಬಾಗ್ ರಸ್ತೆ ಸೇರಿದಂತೆ ಹಲವು ಪ್ರಮುಖ ನಿಲ್ದಾಣಗಳಲ್ಲಿ ನಿಲುಗಡೆ.
ಬೋಗಿಗಳು: 21 (AC 3-ಟೈರ್ – 2, ಸ್ಲೀಪರ್ – 13, ಜನರಲ್ – 4, ಇತರೆ – 2).

ಬೆಂಗಳೂರು – ಗೋಮತಿ ನಗರ – ಬೆಂಗಳೂರು (ಸಾಪ್ತಾಹಿಕ ಎಕ್ಸ್‌ಪ್ರೆಸ್)

• ರೈಲು ಸಂಖ್ಯೆ: 06529 (SMVT ಬೆಂಗಳೂರು – ಗೋಮತಿ ನಗರ)
  • ಆಗಸ್ಟ್ 25ರಿಂದ ನವೆಂಬರ್ 3ರವರೆಗೆ, ಪ್ರತೀ ಸೋಮವಾರ ಬೆಳಿಗ್ಗೆ 7:00ಕ್ಕೆ ಹೊರಟು ಗುರುವಾರ 11:30ಕ್ಕೆ ತಲುಪುತ್ತದೆ.
• ರೈಲು ಸಂಖ್ಯೆ: 06530 (ಗೋಮತಿ ನಗರ – ಬೆಂಗಳೂರು)
  • ಆಗಸ್ಟ್ 29ರಿಂದ ನವೆಂಬರ್ 7ರವರೆಗೆ, ಪ್ರತೀ ಶುಕ್ರವಾರ ಮಧ್ಯಾಹ್ನ 12:20ಕ್ಕೆ ಹೊರಟು, ಸೋಮವಾರ ಬೆಳಿಗ್ಗೆ 8:15ಕ್ಕೆ ಬೆಂಗಳೂರಿಗೆ ತಲುಪುತ್ತದೆ.

ನಿಲ್ದಾಣಗಳು: ತುಮಕೂರು, ಅರಸೀಕೆರೆ, ಹುಬ್ಬಳ್ಳಿ, ಬೆಳಗಾವಿ, ಪುಣೆ, ಭೂಸಾವಲ್, ಪ್ರಯಾಗ್‌ರಾಜ್, ವಾರಾಣಾಸಿ, ಗೋರಖ್‌ಪುರ ಮತ್ತಿತರ ಪ್ರಮುಖ ಸ್ಥಳಗಳು.
ಬೋಗಿಗಳು: 20 (AC ಫಸ್ಟ್ ಕ್ಲಾಸ್ – 1, AC 2-ಟೈರ್ – 2, AC 3-ಟೈರ್ – 4, ಸ್ಲೀಪರ್ – 7, ಜನರಲ್ – 4, ಇತರೆ – 2).

ಬೆಂಗಳೂರು – ಬೀದರ್ – ಬೆಂಗಳೂರು (ಒಂದು ಟ್ರಿಪ್)

• ರೈಲು ಸಂಖ್ಯೆ: 06549 – ಆಗಸ್ಟ್ 26ರಂದು ರಾತ್ರಿ 9:15ಕ್ಕೆ SMVT ಬೆಂಗಳೂರಿನಿಂದ ಹೊರಟು, ಆಗಸ್ಟ್ 27ರಂದು ರಾತ್ರಿ 11:30ಕ್ಕೆ ಬೀದರ್ ತಲುಪುತ್ತದೆ.
• ರೈಲು ಸಂಖ್ಯೆ: 06550 – ಆಗಸ್ಟ್ 27ರಂದು ಮಧ್ಯಾಹ್ನ 2:30ಕ್ಕೆ ಬೀದರ್‌ನಿಂದ ಹೊರಟು, ಆಗಸ್ಟ್ 28ರಂದು ಬೆಳಿಗ್ಗೆ 4:30ಕ್ಕೆ SMVT ಬೆಂಗಳೂರಿಗೆ ಆಗಮಿಸುತ್ತದೆ.

ನಿಲ್ದಾಣಗಳು: ಯಲಹಂಕ, ಅನಂತಪುರ, ಗುಂಟಕಲ್, ರಾಯಚೂರು, ಕಲಬುರಗಿ ಸೇರಿದಂತೆ ಹಲವಾರು.
ಬೋಗಿಗಳು: 22.

ಮೈಸೂರು – ತಿರುನೆಲ್ವೇಲಿ – ಮೈಸೂರು (ಒಂದು ಟ್ರಿಪ್)

• ರೈಲು ಸಂಖ್ಯೆ: 06241 – ಆಗಸ್ಟ್ 26ರಂದು ರಾತ್ರಿ 8:15ಕ್ಕೆ ಮೈಸೂರಿನಿಂದ ಹೊರಟು, ಆಗಸ್ಟ್ 27ರಂದು ರಾತ್ರಿ 10:50ಕ್ಕೆ ತಿರುನೆಲ್ವೇಲಿ ತಲುಪುತ್ತದೆ.
• ರೈಲು ಸಂಖ್ಯೆ: 06242 – ಆಗಸ್ಟ್ 27ರಂದು ಮಧ್ಯಾಹ್ನ 3:40ಕ್ಕೆ ತಿರುನೆಲ್ವೇಲಿಯಿಂದ ಹೊರಟು, ಆಗಸ್ಟ್ 28ರಂದು ಬೆಳಿಗ್ಗೆ 5:50ಕ್ಕೆ ಮೈಸೂರಿಗೆ ಆಗಮಿಸುತ್ತದೆ.

ನಿಲ್ದಾಣಗಳು: ಮಂಡ್ಯ, ಕೆಂಗೇರಿ, ಬೆಂಗಳೂರು, ಸೇಲಂ, ಮಧುರೈ, ವಿರುದುನಗರ, ಸತೂರು.
ಬೋಗಿಗಳು: 20.

ಬೆಂಗಳೂರು – ಮಡ್‌ಗಾಂವ್ – ಬೆಂಗಳೂರು (ಒಂದು ಟ್ರಿಪ್)

• ರೈಲು ಸಂಖ್ಯೆ: 06569 – ಆಗಸ್ಟ್ 26ರಂದು ಮಧ್ಯಾಹ್ನ 1:00ಕ್ಕೆ SMVT ಬೆಂಗಳೂರಿನಿಂದ ಹೊರಟು, ಆಗಸ್ಟ್ 27ರಂದು ಬೆಳಿಗ್ಗೆ 5:30ಕ್ಕೆ ಮಡ್‌ಗಾಂವ್ ತಲುಪುತ್ತದೆ.
• ರೈಲು ಸಂಖ್ಯೆ: 06570 – ಆಗಸ್ಟ್ 27ರಂದು ಬೆಳಿಗ್ಗೆ 6:30ಕ್ಕೆ ಮಡ್‌ಗಾಂವ್‌ನಿಂದ ಹೊರಟು, ರಾತ್ರಿ 11:40ಕ್ಕೆ SMVT ಬೆಂಗಳೂರಿಗೆ ಆಗಮಿಸುತ್ತದೆ.

ನಿಲ್ದಾಣಗಳು: ಚಿಕ್ಕಬಾಣಾವರ, ಹಾಸನ, ಸುಬ್ರಹ್ಮಣ್ಯ ರಸ್ತೆ, ಉಡುಪಿ, ಕುಂದಾಪುರ, ಭಟ್ಕಳ, ಕುಮಟಾ, ಗೋಕರ್ಣ ರಸ್ತೆ.ಬೋಗಿಗಳು: 16.

ಪ್ರಯಾಣಿಕರಿಗೆ ಗುಡ್ ನ್ಯೂಸ್

ಹಬ್ಬದ ದಿನಗಳಲ್ಲಿ ಹೆಚ್ಚುವರಿ ರೈಲು ಸೇವೆ ನೀಡಿರುವುದು ಪ್ರಯಾಣಿಕರಿಗೆ ಭಾರಿ ಸಹಾಯಕ. ಈಗಲೇ ಟಿಕೆಟ್‌ಗಳನ್ನು ಕಾಯ್ದಿರಿಸಿಕೊಳ್ಳುವುದರಿಂದ ಹಬ್ಬದ ಸಮಯದಲ್ಲಿ ಸುಗಮ ಪ್ರಯಾಣ ಸಾಧ್ಯ.

ರೈಲು ಪ್ರಯಾಣಿಕರೇ ಗಮನಿಸಿ: ಆಗಸ್ಟ್ 23 ಮತ್ತು 24ರಂದು ಹಲವು ರೈಲುಗಳ ಸಂಚಾರದಲ್ಲಿ ಬದಲಾವಣೆ